Аудандық  Мәдениет үйінде  ауданымыздың  Іскер әйелдері  қауымдастығының  қолдауымен  «Асыл  әже»  сайысы  өтті.

Әжелер тәрбиесін үлгі еткен осы  аудандық  сайыста  ұлттық киім киген  түрлі ұлт  өкілдерінің қатысушылары ережеге сай өздерін таныстырып қана қоймай, дәстүрлерін де сахналап, ұлттық тағамдарын көпшілік назарына ұсынды. Әжелердің өнері,  сындарлы  үлгісі сынға түскен сайыстың қорытындысы бойынша Бас жүлде біздің  мектебіміздің  орыс  тілі мен  әдебиеті  пәні мұғалімі  Бекимова  Қарлығаш  Мергенқызына  бұйырды. Ал,  мектебіміздің  бастауыш  сыныптар мұғалімі Ткач Елена Александровна сайыстың  жүлделі  екінші  орнын қанжығалады.

Барлық қатысушылар мен жүлгерлер алғыс хаттармен және бағалы сыйлықтармен марапатталды.

Әріптестерімізді  үлкен  жеңісімен  құттықтаймыз!