Бірінші жартыжылдықтағы жұмыстың қорытындысын шығаруға арналған әдістемелік күн

17 желтоқсан күні мектебімізде бірінші жартыжылдықтағы жұмыстың қорытындысын шығаруға арналған әдістемелік күн өтті. Еркін, ойын форматындағы атмосферада School Master тобының педагогтері өздерінің әдістемелік жаңалықтарымен, идеяларымен, сондай-ақ әдістемелік құралдар мен авторлық жұмыстарды жазу барысындағы нәтижелерімен бөлісті.

Интерактивті тапсырмалар мен символдық «жетістік тастары» арқылы қатысушылар өз жетістіктерін атап өтіп, тәжірибе алмасты және бір-біріне қолдау көрсетті. Әзіл, ашықтық және еркін қарым-қатынас кездесуді ерекше жылы әрі нәтижелі етті.

Әдістемелік күн тек талдау алаңы ғана емес, сонымен қатар шабыттың, жаңа идеялардың және әрі қарай кәсіби өсуге деген мотивацияның көзіне айналды.